საგარეო საქმეთა სამინისტროს პრესსპიკერის დავით კერესელიძის თქმით, რუსეთისა და საქართველოს პრეზიდენტებს შორის შეხვედრაზე საუბარი დიპლომატებს შორის არ მიმდინარეობს.

ამის შესახებ კერესელიძემ დღეს გამართულ ტრადიციულ ბრიფინგზე განაცხადა.

„მიკვირს, პესკოვის რაღაც უაზრო განცხადებაზე, რომელიც ვიღაც დიპლომატებს აბრალებს, რომ თითქოს ამ საკითხზე ვმსჯელობთ, რატომ ვლაპარაკობთ?! არანაირი ანალოგიური შეხვედრის განხორციელებაზე საუბარი დიპლომატებს შორის არ მიდის. მე ასეთ დიპლომატებს ნამდვილად არ ვიცნობ,“ - განაცხადა კერესელიძემ.

რუსეთის პრეზიდენტის პრესსპიკერის დიმიტრი პესკოვის თქმით, ქართველი და რუსი დიპლომატები ორი ქვეყნის პირველი პირების შეხვედრას არ გამორიცხავენ.

ნინი კაციტაძე