საკრებულოს ფრაქცია „ნაციონალური მოძრაობის“ თავმჯდომარე ირაკლი აბესაძე სამარშუტო ტაქსით მგზავრობის ტარიფის შესაძლო გაზრდის საკითხს გამოეხმაურა და განაცხადა, რომ თუ ტარიფი მართლაც გაიზრდება, მერიამ უნდა მოახდინოს სუბსიდირება და ხარჯები საკუთარ თავზე აიღოს.

როგორც, აბესაძემ "ნიუპოსტს" განუცხადა, იმ შემთხევაში თუ მერია სწორად დაგეგმავს ბიუჯეტს და მოახდენს გარკვეული ხარჯების შემცირებას, შესაძლებელია ქალაქის მუნიციპალიტეტმა ამ სფეროში დამატებითი ხარჯების საკუთარ თავზე აღება შეძლოს.

„არ ვიცი რამდენად საფუძვლიანია ინფორმაცია, რომ კომპნია აპირებს გაზარდოს ტარიფი, მაგრამ თუ ასე მოხდა, თბილისის მერიამ სუბსიდირებით უნდა აიღოს საკუთარ თავზე და მოსახლეოამ ეს გაძვირება არ უნდა იგრძნოს. ყველაფერი დამუკიდებული იქნება იმაზე, თუ რამდენად უნარიანად დაგეგმავს თბილისის მერია ბიუჯეტს ე.წ „ქამრების შემოჭერის“ ფარგლებში. სამწუხაროდ, საკრებულოში ამ საკითხთან დაკავშირებით არავითარი მსჯელობა არ ყოფილა, ასე რომ დაველოდებით თუ რას შემოგვთავაზებს თბილისი მერია, ან ჩვენ თვითონ მივუთითებთ, თუ რა ხარჯები უნდა დაიზოგოს, რომ მოხდეს მოსახლეობისთვის სოციალური დახმარებების გაწევა.

თბილისი მერიას აქვს ორი ბერკეტი, ერთი რომ თავად ბიუჯეტიდან გაწიოს კომპენსაცია და დააწესოს შეღავათები მგავრობაზე, მეორე, მან დაასაბუთოს კომპანიის მოთხოვნის უსაფუძვლობა, ყველაფერი დამოუკიდებულია მერიის უნარზე, რამდენად შეძლებს მოლაპარაკების წარმოებას და რამდენად შეძლებს საბიუჯეტო სახსრების გონივრულ გადანაწილებას, რომ ეს ყველაფერი მოსახლეობამ არ იგრძნოს.

შეგახსენებთ, სამარშუტო ტაქსით მგზავრობის ღირებულების გაზრდასთან დაკავშირებით მედიაში გავრცელებულ ინფორმაციას კომპანია "თბილისის მიკროავტობუსი“ კატეგორიულად უარყოფს.

გავრცელებული ინფორმაციით, აპრილის თვიდან მიკრო ავტობუსებით, ე.წ. ყვითელი "მარშუტკებით" მგზავრობის საფასური იზრდება.