„ნაციონალური მოძრაობის“ მიერ ორგანიზებულ აქციაზე ექსპრეზიდენტის მიხეილ სააკაშვილის დედაც იმყოფება. როგორც გიული ალასანიამ ჟურნალისტებთან საუბრისას განაცხადა, ის მხარს უჭერს მთავრობის გადადგომის მოთხოვნას.

„ისევე როგორც სხვა ადამიანებისთვის, ამ ორი წლის განმავლობაში, ჩემთვისაც ყველაფერი უარესობისკენ წავიდა. ვფიქრობ, რომ ძალიან სიმბოლურია ის, რომ დღეს არის ისეთი მზიანი ამინდი, როგორც 2003 წლის 23 ნოემბერს. საშინელი სიცივეების, წვიმების და თოვლის შემდეგ, მზე სწორედ 23 ნოემბერს გამოვიდა. ზუსტად იგივე განმეორდა დღესაც“, - განაცხადა ალასანიამ.

აქცია ამ წუთებში მთავრობის ადმინისტრაციასთან მიმდინარეობს.