საქართველოს არ აქვს უფლება ერთი მდიდარი ავანტიურისტის ექსპერიმენტზე იცხოვროს“, - ამის შესახებ „ნაციონალური მოძრაობის“ წევრმა ირმა ნადირაშვილმა თავისუფლების მოედანზე მიმდინარე აქციაზე სიტყვით გამოსვლისას განაცხადა.

მან ქვეყანაში არსებულ ვითარებაზე ისაუბრა და მთავრობის მიერ დაშვებული შეცდომები დაასახელა.

„ქართულმა ოცნებამ“ საქართველო გააჩერა. მათ გააუფასურეს ლარი, გააჩერეს ეკონომიკა, ციხეში ჩაყარეს პოლიტიკური ოპონენტები, საჯარო სამსახურში ნეპოტიზი ყვავის, შემოიღეს ბრიყვული სავიზო რეგულაციები, შეარყიეს პოლიციელების იმიჯი და არქივიდან ამოიღეს სიტყვა სეკვესტრი. ეს ხელისუფლება ატყუებს ხალხს და არ არის ღირსი თქვენი ნდობით სარგებლობდეს. თითოეული დღეს, რაც ეს მთავრობა ხელისუფლებაში, არის ჩვენი შვილების დაკარგული მომავალი. დღეს არავის აქვს ილუზია, რომ ეს ადამიანები შეძლებენ ვითარების გამოსწორებას. მთავრობა კადრულობს ყველაფერს და გასულია ჯანსაღი პოლიტიკური პროცესიდან. საქართველოს არ აქვს უფლება ერთი მდიდარი ავანტიურისტის ექპერიმენტზე იცხოვროს. არ ვაპირებთ ერთი მილიარდერის დაკრულზე ვიცხოვროთ“, - განაცხადა ნადირაშვილმა.

"ნაციონალური მოძრაობის" აქცია თავისუფლების მოედანზე ამ წუთებში მიმდინარეობს.