თავისუფლების მოედანზე „ნაციონალური მოძრაობის“ მხარდამჭერებს პარტიის ლიდერები მიმართავენ. დავით ბაქრაძემ სიტყვით გამოსვლისას მოქალაქეებს მადლობა გადაუხადა.

„მე თავისუფლების მოედანზე ჩვენი მოქალაქეების შვილების გამო ვდგავარ, რადგანაც მათ ნორმალურ საქართველოში ცხოვრება ეღირსოთ. ძალიან ბევრი ადამიანი მოდის. აქედანაც კარგად ჩანს რუსთაველის გამზირი. ადამიანები უწყვეტ ნაკადად მოდიან. ეს არ არის ორგანიზებული კოლონა. ეს ჩვეულებრივი თბილისელები არიან, რომლებიც აქ გაჭირვებამ მოიყვანა. ჩვენ ჩვენი შვილების და მომავალი თაობისთვის უკეთეს საქართველოს ერთად შევქმნით. ყველაფერი კარგად იქნება“, - მიმართა ბაქრაძემ ადგილზე შეკრებილებს.

„ნაციონალური მოძრაობის“ მიერ ორგანიზებული აქცია რამდენიმე წუთში დაიწყება.