„ნაციონალური მოძრაობის“ წევრის ზაზა ბიბილაშვილის თქმით, ხელისუფლება დღეს საზოგადოების რეალურ განწყობას დაინახავს.

მისი თქმით, მთავრობა ნახავს, რომ „ნაციონალური მოძრაობა“ რადარებიდან არ გამქარალა.

„მემგონი დღეს არ დარჩა ადამიანი, რომელმაც არ გააცნობიერა ის მარტივი ჭეშმარიტება, რომელიც ბევრი ადამიანისთვის ცნობილია, რომ ივანიშვილი არის თაღლითი, რომელმაც ხელისუფლებაში მოსასვლელად თაღლითური დაპირებები გამოიყენა. მოხდა ის, რომ მან პირადი ოლიგარქიული ოცნება აისრულა და არ აინტერესებს როგორ ცხოვრობენ ადამიანები. „ნაციონალური მოძრაობა“ არის ძალა, რომელსაც ყოველთვის ჰქონდა აღებული პასუხისმგებლობა როგორც ქვეყნის აწყმოზე ისე მომავალზე. დღევანდელი აქციის ერთ-ერთი მიზანი იქნება, რომ ოდნავ მაინც შემოულაწუნოთ ხელისუფლებას იმ თვალსაზრისით, რომ ისინი არ აღიარებენ კრიზისის არსებობას და განაგრძობენ საკუთარი თავისთვის ფუფუნების საგნების შეძენას. ხელისუფლება ამბობს, რომ ჩვენ რადარებიდან გავქრით. დღეს დაინახავენ, რომ მოსახლეობაში სხვა განწყობაა“, - განაცხადა ბიბილაშვილმა.