ქალბატონო ინგა, აღმოჩნდა, რომ შს მინისტრის მოადგილემ თქვენი საუბრის დეტალები იცის

ქალბატონო ინგა, აღმოჩნდა, რომ შს მინისტრის მოადგილემ თქვენი საუბრის დეტალები იცის - ზაზა ბიბილაშვილი

პოლიტიკა - 00:08, 21 Mar, 2015

4547

სამართალმცოდნე ზაზა ბიბილაშვილი შს მინისტრის მოადგილის ლევან იზორიას განცხადებას გამოეხმაურა თოქ-შოუ ,,რეაქციის“ ეთერში. მისი თქმით, დღევანდელი ხელისუფლების პირობებში ის რაც კარგი იყო უკვე ნადგურდება, ხოლო ის რაც ცუდი იყო, ღრმავდება.

,,ამის საუკეთესო დასტურია თქვენი დიალოგის ბოლო ეპიზოდი ლევან იზორიასთან. ეს ხელისუფლება თავს იწონებდა, რომ მედიას არ ვეხებითო, ახლა აღმოჩნდა, რომ მინისტრის მოადგილემ იცის თქვნი მოლაპარაკების დეტალები. ფაქტია, რომ მოსმენებით გაცილებით მეტ ადამაინს უსმენენ“.

ზაზა ბიბილაშვილმა ქვეყანაში ქურდული სამყაროს გავლენის გაზრდაზეც ისაუბრა, მათ შორის ექსპრემიერის გადაცემაზე, რომელსაც კომიური უწოდა.

,,დღეს ქურდულმა სამყარომ დაიბრუნა ციხეებზე გალენა და ციხიდან გარეთ აბრუნებენ უკვე გავლენას. ერთი ფორმალური ხელსუფლება ამბობს, რომ კრიზისი არ გვაქვს, ხოლო არაფორმალურად მმართველი პრობლემად თვლის იმას, რომ ჩვენ თურმე არასწორ აქცენტებს ვსვამთ და თავის არხზე ქმნის კომიკურ გადაცემას, რომ კრეატიული ანალიზი გააკეთოს და საკუთარი აქცენტები დაუსვას საზოგადოებას“ - განაცხადა ზაზა ბიბილაშვილმა“ - განაცხადა ბიბილაშვილმა.

გადაცემა "რეაქციის" წამყვანის ინგა გრიგოლიას განცხადებაზე, რომ უმრავლესობის წევრებმა 21 მარტის თემის გაშუქების გამო მის გადაცემაში მონაწილეობაზე უარი თქვეს, შს მინისტრის მოადგილე ლევან იზორია გამოეხმაურა.

"თქვენ ბრძანეთ რომ გარკვეულ მითითებას ჰქონდა ადგილი, მე დავაზუსტე და არავითარ მითითებას არ ჰქონია ადგილი. მათ უფლება ჰქონდათ უარი ეთქვათ . ეს არც გადაცემის ბოიკოტია და არც პიროვნულია. მათ უბრალოდ ჩათვალეს, რომ აქციაზე მიდის თუ არა მოქალაქე ეს არ არის აქტუალური"- განაცხადა იზორიამ.