საპარლამენტო უმცირესობის დეპუტატმა ირმა ნადირაშვილმა გადაცემა „რეაქციის“ წამყვანს ინტერაქტივის ხარვეზების გამოსწორება მოსთხოვა.

ირმა ნადირაშვილის განცხადებით, სოციალურ ქსელში მას ძალიან ბევრმა ადამიანმა მისწერა, რომ ვერ ახერხებენ იმ ნომერზე დარეკვას, სადაც ფიქსირდება დადებითი პასუხი კითხვაზე "მიდიხართ თუ არა ნაციონალური მოძრაობის აქციაზე" .

„ჩვენმა მხარდამჭერებმა მომწერეს, რომ ასევე დარეკეს იმ ნომერზე სადაც შეგიძლია დააფიქსირო, რომ არ მოდიხარ მიტინგზე და იქ ეს ზარი გადის, მე დარწმუნებული ვარ რომ თქვენი სერვერი ქოცური არ არის და ალბათ მართლა ტექნიკური შეფერხებაა“- აღნიშნა ირმა ნადირაშვილმა.

გადაცემის მსვლელობისას ინგა გრიგოლიას პროდიუსერებმა შეატყობინეს , რომ ტექნიკური შეფერხების მიზეზი ზარების დიდი რაოდენობა იყო.

_{ნინო ზედგენიძე}