საქართველოს ექსპრემიერი ბიძინა ივანიშვილი ვერ ხედავს მიზეზს, თუ რატომ უნდა გადადგეს დღევანდელი მთავრობა.

ამის შესახებ ივანიშვილმა 21 მარტს დაგეგმილი აქციის კომენტირებისას განაცხადა.

მისი თქმით, ეხლანდელი და წინა ხელისფულება იმით განსხვავდება ერთმანეთისგან, რომ დღეს ყველას შეუძლია განსხვავებული აზრის გამოხატვა.

„რას გიშავებს ეს მთავრობა და რატომ უნდა გადადგეს, გარდა იმისა, რომ „ნაციონალურ მოძრაობას“, იმ მოძალადე ხელისუფლებას, რომელიც ყველანაირად სიცრუეს ავრცელებს, რომ ხელისუფლება უუნაროა. უუნარობაში ალბათ ის უნდა მივიჩნიოთ, რომ მათ უამრავი სისხლი დაღვარეს იმ ადგილზე, სადაც ისინი გროვდებიან და აპირებენ დემონსტრირებას. მათ აქვთ საშუალება, რომ თავისუფლად გამოხატონ აზრი, თუნდაც - ძალადობრივი. თუმცა ამდენი ჭკუა ყოფნით, რომ არ დააფიქსირონ აზრი, რაც ძალადობრივია. წინა ხელისუფლება და ეხლანდელი იმით განსხვავდება ერთმანეთისგან, რომ დღევანდელ ხელისუფლებას აქვს საშუალება, რომ ყველას მისცენ საშუალება მოახდინონ სიცრუის დემონსტრირება“, - განაცხადა ექსპრემიერმა.

ნინო დათაშვილი