აქცია რუსთაველის გამზირის ნაცვლად თავისუფლების მოედანზე გაიმართება

აქცია რუსთაველის გამზირის ნაცვლად თავისუფლების მოედანზე გაიმართება - ჯაფარიძე

პოლიტიკა - 14:29, 20 Mar, 2015

3281

„ერთიანი ნაციონალური მოძრაობის“ გადაწყვეტილებით, 21 მარტს აქცია რუსთაველის გამზირის ნაცვლად თავისუფლების მოედანზე გაიმართება. ჯაფარიძის თქმით, ლოკაციის შეცვლის მიზეზი აქციაზე მოსახლეობის დიდი რაოდენობით დასწრების სურვილმა განაპირობა. ჯაფარიძე აცხადებს, რომ აქციის მონაწილეები ვარდების მოედანსა და კოლმეურნეობის მოედანზე შიკრიბებიან, რის შემდეგაც თავისუფლების მეოდნისკენ დაიძრებიან.

„როგორც მოგეხსენებათ, ქვეყანაში შექმნილ უმძიმეს ეკონიმიკურ მდგომარეობასთან დაკავშირებით, ხვალ, 21 მარტს ჩვენ ვმართავთ თბილისში საპროტესტო აქციას, რომლის მთავარი მოწოდებაც არის გადადგეს საქართველოს უნიათო მთავრობა სრული შემადგენლობით. ჩვენს ხელთ არსებული ინფორმაციით იმდენად დიდი არის სურვილი აქციაზე მომსვლელების, რომ ჩვენ გადავწყვიტეთ აქციის დისლოკაცია შევცვალოთ და ნაცვლად რუსთაველის გამზირისა, აქცია გაიმართება თავისუფლების მოედანზე. მანამდე იქნება ორი დიდი შეკრება: ერთი ვარდების მოედანზე , მეორე ეგრეთ წოდებულ კოლმეურნეობის მოედანზე, საიდანაც მოეწყობა მსვლელობა თავისუფლების მოედნისკენ. აქცია დაიწყება თავისუფლების მოედანზე 16:00 საათისთვის და სწორედ იქ შედგება აქციის ძირითადი ნაწილი, ეგრეთწოდებული მიტინგი.

ჩვენ კიდევ ერთხელ მოუწოდებთ საქართველოს მოსახლეობის იმ ნაწილს, ვინც თვლის რომ ის არის მოტყუებული ამ ხელისუფლების მიერ, ვინც თვლის რომ არის შეურაწყოფილი ამ ხელისუფლების უტიფარი განცხადებებით, ვინც თვლის რომ ეს ხელისუფლება არის უნიათო და უნდა გადადგეს, მოვიდეს 21 მარტს 16:00 საათზე თავისუფლების მოედანზე და ერთად მოვითხოვოთ რომ გადადგეს საქართველოს უნიათო მთავრობა,“-განაცხადა ზურაბ ჯაფარიძემ.