ოკუპირებული აფხაზეთის დე ფაქტო პრეზიდენტი რაულ ხაჯიმბა ვიზიტით ადიღეის რესპუბლიკაში იმყოფებოდა, სადაც რუსეთის მიერ ყირიმის შემოერთების ერთი წლისთავისადმი მიძღვნილ ღონისძიებებს დაესწრო.

დე ფაქტო პრეზიდენტმა ადიღეის ხელისუფლების წარმომადგენლებთან შემდგომი თანამშრომლობის საკითხები განიხილა და რუსეთთან დამაკავშირებელი ყარაჩი -ჩერქეზეთის გზის მშენებლობაზეც ისაუბრა.

ხაჯიმბას თქმით , ამ გზასთან დაკავშირებით მას საუბრები უკვე ქონდა რუსეთის პრეზიდენტ ვლადიმერ პუტინთან, დე ფაქტო პრეზიდენტის განცხადებით აფხაზეთს ამ გზის მშენებლობისთვის საკუთარი რესურსები არ გააჩნია, პროექტის განხორციელებისთვის აფხაზეთის ე.წ ხელისუფლებას სხვადასხვა წყაროებიდან ფულის მოძიების იმედი აქვს.

_{ნინო ზედგენიძე}