ვიცე-პრემიერი კახა კალაძე არმაზ ახვლედიანის გადაწვეტილებას „ქართული ოცნების“ პოლიტსაბჭოს მდივანის პოსტზე უფლებამოსილების შეჩერებასთან დაკავშირებით, ღირსეულს უწოდებს.

ამის შესახებ კალაძემ ჟურნალისტებთან საუბრისას განაცხადა.

„არმაზ ახვლედიანის განცხადებასთან დაკავშირებით იყო გაურკვევლობა, რასაც მოჰყვა პარლამენტარების მხრიდან გამოხმაურება. თუმცა განცხადება, რომელიც დღეს მოვისმინეთ, ღირსეულ გადაწყვეტილებად მიმაჩნია“, - განაცხადა კალაძემ.

შეგახსენებთ, ქართული ოცნების“ პოლიტსაბჭოს მდივანი არმაზ ახვლედიანი უფლებამოსილებას დროებით შეიჩერა.

ამის მიზეზად ტელეკომპანია „მაესტროს“ ეთერში გასული ინტერვიუ სახელდება, სადაც ახვლედიანმა თქვა, რომ თუ დეპუტატები ნინო გვენეტაძის კანდიდატურას მხარს არ დაუჭერენ, სანქციები დაუწესდებათ.