თბილისის მერი დავით ნარმანია ვაკის რაიონის გამგებლის მოადგილის დაკავებას ეხმაურება და ამბობს, რომ ამის შემდეგ მსგავსი დანაშაულის ჩადენის შემთხვევაში პასუხისმგებლობას დამნშავე პირის ხელმძღვანელი აიღებს.

„დღეს გამოვლინდა დანაშაულის კიდევ ერთი ფაქტი. როგორც ჩანს, ადამიანები სხვის შეცდომაზე ჭკუას ვერ სწავლობენ და დანაშაულს ისევ ჩადიან. დღეის შემდეგ თუ ასეთი დანაშაული იქნება ჩადენილი, პასუხისმგებლობას უშუალოდ ხელმძღვანელი პირი აიღებს“, - განაცხადა ნარმანიამ.

შეგახსენებთ, შინაგან საქმეთა სამინისტროს ანტიკორუფციული სააგენტოს თანამშრომლებმა, ჩატარებული ოპერატიულ-სამძებრო და საგამოძიებო მოქმედებების შედეგად, ქრთამის აღების ფაქტზე, თბილისის მუნიციპალიტეტის ვაკის რაიონის გამგებლის მოადგილე მამუკა ცაავა დააკავეს.