საგარეო საქმეთა მინისტრი თამარ ბერუჩაშვილი რეფერენდუმის ჩატარებასთან დაკავირებით „ერეკლე მეორის საზოგადოების“ ინიციატივას ეხმაურება და ამბობს, რომ ევროპული არჩევანი არ გადაიხედება.

ამის შესახებ ბერუჩაშვილმა ჟურნალისტებთან საუბრისას განაცხადა.

"ევროპული არჩევანი არ გადაიხედება. მე კიდევ ერთხელ ვადასტურებ, რომ საქართველოს არჩეული ევროპული კურსი ურყევია. მოსახლეობის 80% ამ ევროატლანტიკურ ინტეგრაციას უჭერს მხარს, კონკრეტული პირების კომენტარებზე მე განსაკუთრებულ აქცენტს არ გავაკეთებ, ეს არის ხალხი რომელიც ამინდს არ ქმნის,"- განაცხადა ბერუჩაშვილმა.

შეგახსენებთ, რეფერენდუმის ჩატარებას "ერეკლე მეორის საზოგადოების" წარმომადგენელი არჩილ ჭყოიძე ითხოვს.