,,ბუქარესტის გადაწყვეტილება ძალაშია“ - აპატურაი ოლანდის განცხადებას ეხმაურება

პოლიტიკა - 17:40, 19 Mar, 2015

1429

ფრანსუა ოლანდის განცხადებას, იმასთან დაკავშირებით, რომ ჩრდილო ატლანტიკუყრი ალიანსის დღის წესრიგში ახალი წევრების მიღება არ დგას, კავკასიასა და ცენტრალურ აზიაში ნატო-ს გენერალური მდივნის სპეციალური წარმომადგენლი ჯეიმ აპატურაი გამოეხმაურა:

„ფრანსუა ოლანდმა თქვა, რომ ახალი წევრების მიღება არ არის დღის წესრიგში, წელს ნატოს სამიტის ჩატარება დაგეგმილი ისედაც არ აქვს.

რაც შეეხება საქართველოს, ჩვენ არსებითი პაკეტის შესრულებაზე ვართ ფოკუსირებული . მნიშვნელოვანია აღვნიშნოთ რომ ბუქარესტის გადაწყვეტილება ძალაშია და არც ერთ წევრ სახელმწიფოს არ უთქვამს არც ღიად და არც დახურულ ფორმატში და კერძო საუბრებში, რომ ნატო აღებულ ვალდებულებებზე და ბუქარესტის სამიტზე მიღებულ გადაწყვეტილებებზე უარს ამბობს. მთავარი ახლა არსებითი პაკეტის შესრულებაა. მომავალ წელს სამიტი დაგეგმილია ვარშავაში, ვნახოთ რა გადაწყვეტილებები იქნება მიღებული. საფრანგეთის მოსაზრებას ისეთივე მნიშვნელობა აქვს, როგორც ალიანსის 28 წევრის მოსაზრებას. ანუ არც მეტად და არც ნაკლებად. ასე მუშაობს ნატო. კიდევ ერთხელ ვამბობ ჩვენი მიზანი არსებითი პაკეტის შესრულებაა და ამ მხრივ წინ მივდივართ.“- განაცხადა ჯეიმს აპატურაიმ.