,,ცხინვალთან ხელშეკრულება საქართველოს და ევროპის მიმართ რუსეთის პოლიტიკის გაგრძელებაა“

,,ცხინვალთან ხელშეკრულება საქართველოს და ევროპის მიმართ რუსეთის პოლიტიკის გაგრძელებაა“ - აპატურაი

პოლიტიკა - 17:26, 19 Mar, 2015

1384

ნატო-ს გენერალური მდივნის სპეციალური წარმომადგენლის ჯეიმ აპატურაის განცხადებით მოსკოვსა და ოკუპირებულ ცხინვალს შორის გაფორმებული ხელშეკრულება ძალიან ბევრი მიმართულებით ნეგატიურ ნიშნებს შეიცავს. აპატურაი ეთანხმება მოსაზრებას, რომ რუსეთი საქართველოს ტერიტორიის მცოცავ ანექსიას ახორციელებს:

„არ მგონია, რომ საქართველოს მოსახლეობისთვის სიურპრიზი იყოს, რომ ჩვენ არ ვცნობთ ე.წ ხელშეკრულებებს, რომელსაც არ აქვს კანონიერი, იურიდიული საფუძველი. ნატო და ნატოს მოკავშირეები არასდროს აღიარებენ მათ. ნატო აღიარებს საქართველოს ტერიტორიულ მთლიანობას და სუვერენიტეტს.

გუშინ ხელმოწერილი ხელშეკრულება ძალიან ბევრი მიმართულებით არის ნეგატიური სიგნალი, ეს არის რუსეთის პოლიტიკის გაგრძელება საქართველოს და ევროპის მიმართ,. რუსეთს სურს ხელი შეუშალოს ქვეყნებს დამოუკიდებლად გააკეთონ არჩევანი. ცუდი სიგნალი იმის გამოც, რომ ეს ე.წ ხელშეკრულება ეკონომიკურ და სოციალურ საკითხებთან მიმართებაში უფრო ფართოა ვიდრე ე.წ ხელშეკრულება აფხაზეთთან .

ბევრი ქართველი პოლიტიკოსი რუსეთის ქმედებას მცოცავ ანექსიად აფასებს და ვფიქრობ რომ ეს შეფასება მართალია.“- განაცხადა აპატურაიმ.

აპატურაის თქმით, მიუხედავად იმისა რომ რუსეთთან მოლაპარაკებები რთულ ვიტარენაში მიმდინარეობს, ჟენევის ფორმატი უნდა შენარჩუნდეს:

„რთულია ჟენევაში მოლაპარაკება, მაგრამ რაც ჩვენ ვიცით საქართველოს მთავრობის მხრიდან მოლაპარაკებები უნდას შენარჩუნდეს და გაგრძელდეს იმის მიუხედავად თუ რამდენად ართულებს და ძაბავს რუსეთი მოლაპარაკებებს და ფონს.

საქართველო აჩვენებს , რომ მომწიფებული პარტნიორია, არავის აძლევს საფუძველს იმისთვის, რომ ვინმემ დაადანაშაულოს რომ არ ეძებს გზებს და არ აკეთებს ყველაფერს. პოლიტიკური თვალსაზრისით ეს ძალიან მნიშვნელოვანია.

რუსეთის შეიარაღებული ძალები ისედაც სამხრეთ ოსეთის და აფხაზეთის ტერიტორიაზე იმყოფებიან ამიტომ მე არ ვიცი რას ცვლის ამ მხრივ ეს ე.წ ხელშეკრულება.

მე მოვისმინე საქართველოს ამჟამინდელი ხელისუფლებიდან ის რასაც ყოფილი ხელისუფლებაც აცხადებდა, რომ ვერ ხედავენ კონფლიქტის ძალისმიერი მეთოდით გადაჭრის გზებს. საქართველოს აღებული აქვს ვალდებულება და არაერთხელ გაკეთებულა ძალის გამოუყენებლობის შესახებ განცხადება . საქართველო არ აპირებს დაესხას სამხრეთ ოსეთს და ამ მხრივს საფრთხეც არ არსებობს.“- აღნიშნავს ნატოს გენერალური მდივნის სპეციალური წარმომადგენელი.

ნინო ზედგენიძე