საქართველოს საგარეო საქმეთა მინისტრს პუტინის ანექსიური პოლიტიკის ფონზე, - ცხინვალი-აფხაზეთთან გაფორმებული ე.წ. ხელშეკრულების პარალელურად, რთულად წარმოუდგენია რუსეთთან დიალოგის ახალი ფორმატების შექმნა.

ამის შესახებ თამარ ბერუჩაშვილმა რუსეთის და საქართველის პირველი პირების შესაძლო შეხვედრაზე დიმიტრი პესკოვის განცხადების კომენტირებისას განაცხადა.

„არ ვიცი რომელ დიპლომატებზე საუბრობდა პესკოვი, რომელთაც გამოთქვეს სურვილი ასეთი შეხვედრების. ჩვენს ხელთ არსებული ინფორმაციით, რუსეთი არ იყო მზად ამ პროცესისთვის. იმ ფონზე, რაც დღეს მიმდინარეობს რუსეთის მხრიდან და იმის ფონზე, რომ გუშინ განხორციელდა საქართველოს ტერიროტიების ანექსია, რთულად წარმომიდგენია დიალოგის ახალი ფორმატების შექმნა. ის ფორმატები, რაც არსებობს საქართველო იყენებს და შეეცდება მომავალში უფრო ეფექტიანად გამოიყენოს“, - განაცხადა ბერუჩაშვილმა.

პესკოვის თქმით, ქართველი და რუსი დიპლომატები ორი ქვეყნის პირველი პირების შეხვედრას არ გამორიცხავენ.