საქართველოს პრეზიდენტმა ჰარვარდის უნივერსიტეტების მაგისტრანტები მიიღო

პოლიტიკა - 15:14, 19 Mar, 2015

1252

საქართველოს პრეზიდენტი ჰარვარდის, ჯორჯ ტაუნისა და ჯონ ჰოპკინსის უნივერსიტეტების მაგისტრანტებს შეხვდა. საქართველოში სამდღიანი ვიზიტით მყოფი სტუდენტები ქვეყანაში ბოლო დროს განხორციელებული რეფორმებით დაინტერესდნენ. შეხვედრა დისკუსიის ფორმატში წარიმართა. სტუდენტებმა ქვეყნის პირველ პირს თავიანთი ხედვები, ინტერესები გააცნეს, საქართველოს პრეზიდენტმა კი საქართველოში არსებულ რეფორმებზე გაამახვილა ყურადღება და ქვეყნის შიდა პოლიტიკის გარდა, ისაუბრა საგარეო ურთიერთობების, მათ შორის, რეგიონის გეოპოლიტიკურ საკითხებსა და აგრეთვე უკრაინაში მიმდინარე მოვლენების შესახებ.

„საქართველოს პრეზიდენტმა სტუდენტებთან ძალიან საინტერესო შეხვედრა გამართა. მან ისაუბრა რუსეთთან კონფლიქტის შემდეგ საქართველოს განვითარების შესახებ, ასევე იმ მნიშვნელოვანი რეფორმების შესახებ, რომლებიც ქვეყანამ გაიარა დემოკრატიული განვითარებისა და ადამიანის უფლებების დაცვის ხარისხის გასაუმჯობესებლად“,- განაცხადა ჰარვარდის უნივერსიტეტის მაგისტრანტმა თამარ ჩუგოშვილმა.

შეხვედრის დასრულების შემდეგ სტუდენტებმა გიორგი მარგველაშვილთან ერთად სამახსოვრო ფოტო გადაიღეს და პრეზიდენტის სასახლე დაათვალიერეს. შეხვედრას ესწრებოდნენ საქართველოს პრეზიდენტის ადმინისტრაციის უფროსი დავით პატარაია და საქართველოს პრეზიდენტის მრჩეველი, საგარეო ურთიერთობათა მდივანი თენგიზ ფხალაძე.