პრეზიდენტმა ერთი უვადო მსჯავრდებული შეიწყალა. ამის შესახებ შეწყალების კომისიის თავმჯდომარემ ზვიად ქორიძემ განაცხადა.

„პრეზიდენტმა გადაწყვეტილება მიიღო შეწყალების საკითხთა კომისიის 25-27 თებერვლის სხდომის შედეგებზე დაყრდნობით. პრეზიდენტმა გაითვალისწინა რეკომენდაცია და ხელი მოაწერა შეწყალების აქტს, უვადო მსჯავრდებულს დაუდგინა გათავისუფლების ვადა", - განაცხადა ზვიად ქორიძემ.

მისი ინფორმაციით, ბრალდებული სასჯელს რამდენიმე მუხლით იხდიდა. როგორც ქორიძემ განმარტა, პატიმარს 15 წელზე მეტი უკვე მოხდილი ჰქონდა.

„პრეზიდენტმა მას დაუდგინა ვადა და ჯამურად მას ექნება მოსახდელი არაუმეტეს 25 წლისა", - განაცხადა ზვიად ქორიძემ.