განათლების მინისტრი თამარ სანიკიძე არ გამორიცხავს, რომ ბავშვებისთის „ციხის კადრების“ ჩვენება მიზანმიმართულად მომხდარიყო.

როგორც მინისტრმა მთავრობის სხდომაზე განაცხადა, ამ საკითხთან დაკავშირებით დაწყებული მოკვლევის შედეგი კვირის ბოლოს გახდება ცნობილია და გაირკვევა ვინ არის ამაში დამნაშავე.

„არ გამოვრიცხავ, რომ ეს პროცესი პროვოკაციის და მართული პროცესის ელემენტებს შეიცავდეს. დაწყებულია მოკვლევა და შედეგი კვირის ბოლოს გახდება ცნობილი. პროცესები აშკარად პროვოკაციის ფონზე მიმდინარეობდა და მოკვლევა სწორედ ამიტომ დავიწყეთ, რომ არ მოხდეს ვინმეს უკანონოდ დასჯა და ცილისწამება. თემა სენსიტიურია და უმჯობესია მოკვლევის შედეგებს დაველოდოთ“, - განაცხადა სანიკიძემ.

ნინო დათაშვილი