"საკითხები, რომელიც ვერ გვარდება განიხილება ჟენევაში, ხოლო რომელიც გვარდება, პრაღაში"- ზაქარეიშვილი

პოლიტიკა - 19:31, 18 Mar, 2015

1505

სახელმწიფო მინისტრი შერიგებისა და სამოქალაქო თანასწორობის საკითხებში პაატა ზაქარეიშვილის განცხადებით მოსკოვსა და ოკუპირებულ ცხინვალს შორის ხელშეკრულების გაფორმების მოლოდინი არსებობდა და „ეს მოლოდინი გამართლდა.”

ზაქარეიშვილის თქმით, ამ დოკუმენტს ისეთივე ძალა აქვს, როგორი ძალაც აქვს 80-ზე მეტ სხვა ასეთი ტიპის ხელშეკრულებას, რომელიც აქამდე იქნა გაფორმებული საქართველოს ოკუპირებულ რეგიონებტან.

„ჩვენი ხელისუფლება ყველა ასეთ ნაბიჯებით ძლიერ მხარდაჭერას იღებს საერთაშორისო დონეზე და ამ მხრივ კარგად მუშაობს ჩვენი დიპლომატია. ასეთ ხელშეკრულებებს წინა ხელისუფლების მხრიდან ადრე საერთოდ ყურადღება არ ექცეოდა და ჩვენ სერიოზულ შტურმს ვახორციელებთ საერთაშორისო თანამეგობრობის მხარდაჭერით და ნულზე დაგვყავს ამ ტიპის ხელშეკრულების ნებისმიერი იურიდიული ძალა,” - განაცხადა მინიტრმა.

ზაქარეიშვილმა მეგობარ სახელმწიფოებს მხარდაჭერისთვის მადლობა გადაუხადა და განაცხადა რომ ხელისუფლება რუსეთის დესტრუქციას კონსტრუქციით პასუხობს, ხოლო მთავრობის მიზანი არის რომ რუსეთთან ურთიერთობის დალაგების ფონზე ნატოსკენ სვლა გააგრძელოს

„რუსეთის ამ საკმაოდ უღიმღამო ქცევაში ჩანს, რომ მას სხვა გზა არ გააჩნია, უკრაინისა და ბალტიისპირეთის სახელმწიფოების ფონზე. სხვა რესურსები არ გააჩნია, გარდა ამ ქაღალდების შრიალისა. მას სურს, ამ ფორმით ჩაიყოლიოს საქართველო კონფრონტაციაში და შეაცვლევინოს პოლიტიკა,” - აღნიშნავს ზაქარეიშვილი

სახელმწიფო მინისტრს შეფასებით, საქართველოს ხელისუფლებამ არ არსებული პოლიტიკა და არც არსებული მოლაპარაკებების ფორმატები არ უნდა შეცვალოს. მისი თქმით, საქართველოს ხელისუფლებამ საკითხების დიფერენცია მოახდინა და სხვადასხვა ფორმატში სხვადასხვა საკითხის განხილვა ხდება

„რომელიც ვერ გვარდება, ის განიხილება ჟენევაში, ხოლო რომელიც გვარდება, პრაღაში,” - განაცხადა პაატა ზაქარეიშვილმა.

_{ნინო ზედგენიძე}