,,ყაზბეგზე“ მოთხოვნა გაიზარდა, ხალხი იზიარებს ჩემს პოზიციას

,,ყაზბეგზე“ მოთხოვნა გაიზარდა, ხალხი იზიარებს ჩემს პოზიციას - რაზე იხდის მადლობას თოფაძე?

პოლიტიკა - 18:00, 18 Mar, 2015

4929

საპარლამენტო უმრავლესობის წევრი და ბიზნესმენი გოგი თოფაძე ყაზბეგის პროდუქციის წინააღმდეგ სოციალურ ქსელში წამოწყებულ აქციას, - "არ იყიდო, არ გაამდიდრო პუტინის მონა" გამოეხმაურა.
როგორც გოგი თოფაძემ "ნიუპოსთთან" განაცხადა, მას შემდეგ რაც არასამთავრობო ორგანიზაციებმა მისი საწინააღმდეგო კამპანია დაიწყო ყაზბეგის პროდუქციაზე მოთხოვნა კი არ შემცირდა, პირიქით, 42 %-ით გაიზარდა.
დეპუტატი მიიჩნევს, რომ პროდუქციაზე მოთხოვნის ზრდა აჩვენებს საქართველოს მოსახლეობის სოლიდარობას იმ განცხადების მიმართ, რომელიც მან ნატოსთან მიმართებაში გააკეთა.

„მინდა გავახარო ის არასამთავრობო ორგნიზაციბი, რომლებიც ამ აქციის უკან დგანან და ვაცნობო, რომ 42 %-ით გაიზარდა ჩვენი პროდუქციის რეალიზაცია მას შემდეგ რაც არასამთავრობო ორგანიზაციებმა ეს აქცია დაიწყო. ეს მეტყველებს იმაზე, რომ ხალხი იზიარებს ჩემს პოზიციას. მე ვფიქრობ მოსახელეობის დიდ ნაწილისთვის ჩემი პოზიცია სრულიად მისაღებია.

ამ აქციის საპასუხოდ არანაირი ნაბიჯის გადადგმას არ ვგეგმავ, პირიქით, თუ ასე გააგრძელებს ჩევენი პროდუქციის შეძენას საქართველოს მოსახლეობა, მე აქციის ორგანიზატორების ძალიან მადლობელი ვიქნები",-განაცხადა გოგი თოფაძემ.

საპარლამენტო უმრავლესობის წევრი მიიჩნევს, რომ სოციალურ ქსელში წამოწყებული აქციის ორგანიაზტორები უცხო ქვეყნებიდან დაფინანსებული არასამთავრობო ორგანიზაციები არიან.

"პატრიოტული სულისკვეთების მქონე ადამიანი არ უნდა სარგებლობდეს უცხოური გრანტებით. ყველა უცხოელი საკუთარი ინტერესებიდან გამომდინარე მოქმედებს საქართველოსთან მიმართებაში, ხოლო რამდენი არეულობა მოხდა სხვადასხვა ქვეყნებში უცხო ქვეყნების ინტერესებიდან გამომდინარე ამის მაგალითი ბევრია.“-აღნიშნა თოფაძემ.

შეგახსენებთ,რამდენიმე დღის წინ „ქართული ოცნების" წევრმა და ბიზნესმენმა, გოგი თოფაძემ განაცხადა, რომ "ოცნების" პრიორიტეტი ნატო არ არის და „შეიძლება ევრაზიულ კავშირში სჯობდეს შესვლა, რადგან ექსპორტის მეტი საშუალება იქნება", ამ განცხადებაის საპასუხოდ სოციალურ ქსელში აქცია დაიწყო სახელწოდებით „არ დალიო“ და ყაზბეგის პროდუქციას ბოიკოტი გამოუცხადეს.