,,მე როცა ჟურნალისტი ვიყავი... ვალუტის კურსზე პროგნოზს არ ვაკეთებდი“

,,მე როცა ჟურნალისტი ვიყავი... ვალუტის კურსზე პროგნოზს არ ვაკეთებდი“ - ხადური

პოლიტიკა - 16:57, 18 Mar, 2015

2632

ფინანსთა მინისტრი ნოდარ ხადური აცხადებს, რომ ლარის კურსის ვარდნას ქართველმა ექსპერტებმა შეუწყვეს ხელი უსაფუძვლო განცხადებებით. როგორც ნოდარ ხადურმა „ბიზნეს თაიმ ჯორჯიასთან“ საუბრისას აღნიშნა, ექსპერტები უსაფუძვლო პროგნოზებს აკეთებდნენ მაშინაც კი, როდესაც ვითარება ოპტიმისტური იყო, რითაც ინფლაციის მოლოდინი გააძიერას და მოქალაქეებმა დოლარის მასიური შესყიდვა დაიწყეს, რამაც კურსის დაცემას შეუწყო ხელი.

„როცა დიდ ქვეყნებში და ზოგადად მსოფლიოში ეკონომიკური ზრდის პროგნოზი ოპტიმისტური იყო და რეგიონში პოლიტიკური პროცესები არც ისე პესიმისტურად გამოიყურებოდა, ამ ფონზეც ჩვენმა ექსპერტებმა თავისი უსაფუძვლო პროგნოზებით მოახერხეს საზოგადოებაში ინფლაციის მოლოდინი გაეძლიერებინათ. მაგრამ მე არ მინდა ვთქვა, რომ ლარის შესუსტების მთავარი შიდა ფაქტორი ე.წ. ექსპერტების პროგნოზები გახდა. რა თქმა უნდა - არა, თუმცა მათ თავისი წვლილი მაინც შეიტანეს ამ პროცესებში, რადგან მოქალაქეებმა დაიჯერეს მათი პროგნოზები - დაიწყეს დოლარის მასიური შესყიდვა, რამაც ასევე ხელი შეუწყო კურსის დაცემას. მე როცა ჟურნალისტი ვიყავი, უნივერსიტეტებში პროფესორად ვმუშაობდი, ექსპერტის ან ანალიტოკოსის სტატუსით სხვადასხვა ღონისძიებებში ვმონაწილეობდი, ვალუტის კურსთან დაკავშირებით პროგნოზს არასდროს ვაკეთებდი, იმიტომ რომ ეს არ შეიძლება. ეს არაპროფესიონალური და უპასუხისმგებლო ქმედებაა.“-განაცხადა ნოდარ ხადურმა.