ფინანსთა მინისტრი ნოდარ ხადური ამბობს, რომ სავიზო რეგულაციებმა პირდაპირ უცხოურ ინვესტიციებზე და საერთაშორისო ვიზიტორების ნაკადზე გავლენა მოახდინა.

ამის შესახებ ხადურმა ჟურნალ „ბიზნეს თაიმ ჯორჯიასთან“ საუბრისას განაცხადა.

„სამწუხაროდ, უნდა ვაღიაროთ, რომ სავიზო რეგულაციებმა გავლენა მოახდინეს არა მხოლოდ პირდაპირ უცხოურ ინვესტიციებზე, არამედ საერთაშორისო ვიზიტორების ნაკადზეც. რაც შეეხება არარეზიდენტებისთვის შრომის ახალ რეგულაციებს, ჩვენ პარლამენტთან აქტიურად ვმუშაობთ. ბუნებრივია, ყველა რეგულაციას ორი მიდგომა აქვს: პირველი - წარმოების ევროკავშირის სტანდარტებთან შესაბამისობაში მოყვანა და ნორმალიზება, ხოლო მეორე - აუცილებლად უნდა ვნახოთ, რა ეკონომიკურ შედეგებს მოგვცემს ეს ცვლილებები. მე ვთვლი, რომ ჩვენ შეცდომების უფლება არ გვაქვს“, - ამბობს ხადური.