მთავრობის ადმინისტრაციის უფროსმა მაია ცქიტიშვილმა ჟურნალისტებს დღეს გავრცელებული ინფორმაციის საპასუხოდ წარმოუდგინა მასალა წინა მთავრობის მიერ ათონელის რეზიდენციისთვის შეძენილი ავეჯის შესახებ. აღნიშნული ინფორმაციის მიხედვით, ათონელის რეზიდენციისთვის წინა ხელისუფლებამ მხოლოდ ავეჯზე და სანათებზე 2 მილიონ ნახევარ ლარზე მეტი დახარჯა.

„როდესაც ათონელის რეზიდენციას ავხსენით გრიფი, შემდეგი ინფორმაცია აღმოჩნდა: 1 დივანი - 23 000 ლარად იყო შესყიდული, ასევე 1 დივანი - 20 000 ლარად, საწოლი – 14 000 ლარად, ასევე სამი საწოლი დამატებით რაშიც ათასობით ლარი დაიხარჯა, სავარძელი - 14 000 ლარად, სანათები – 37 000 ლარად, ერთი სანათი – 34 000 ლარად და ა.შ. ჯამში ათონელის რეზიდენციისთვის მილიონ ნახევარ ლარზე მეტი იყო დახარჯული ავეჯისთვის, ხოლო სანათებზე მილიონ ლარზე მეტი იყო დახარჯული“, - განმარტა ცქიტიშვილმა.

„ნაციონალურმა მოძრაობის“ ინფორმაციით, პრემიერმა 181 401 ლარის რბილი ავეჯი შეიძინა. ოპოზიციამ დღეს თვალსაჩინოებისთვის შეძენილი ავეჟის ფოტომასალაც გაასაჯაროვა.

შეგახსენებთ, მთავრობის მირ დაწყებული „ქამრები შემოჭერის პოლიტიკა“ საჯარო უწყებებისთვის რბილი ავეჯის შესყიდვაზე თანხების დაზოგვასაც გულისხმობდა.