„თავისუფალი დემოკრატების“ წევრი გია ცაგარეიშვილი მთავრობის ადმინისტრაციის მიერ რბილი ავეჯის შესყიდვასთან დაკავშირებით გავრცელებულ ინფორმაციას ეხმაურება.

მისი თქმით, მთავრობას სურს საზოგადოების ხარჯზე თავი კომფორტულად იგრძნოს.

„როგორც ჩანს, ვიღაც არც აპირებს ქამრების შემოჭერას. როგორც ჩანს, ვიღაცას არც ქამარი აქვს შემორტყმული წელზე. მთავრობაში ვიღაცისთვის აკრძალულია რბილ ავეჯზე მოკალათება, ვიღაცისთვის ეტყობა მიზანშეწონილია, რომ მოკალათდეს ასეთ ავეჯზე. თავი იგრძნოს კომფორტულად საზოგადოების ხარჯზე ”, - განაცხადა ცაგარეიშვილმა.

„ნაციონალურმა მოძრაობის“ ინფორმაციით, პრემიერმა 181 401 ლარის რბილი ავეჯი შეიძინა. ოპოზიციამ დღეს თვალსაჩინოებისთვის შეძენილი ავეჟის ფოტომასალაც გაასაჯაროვა.

შეგახსენებთ, მთავრობის მირ დაწყებული „ქამრები შემოჭერის პოლიტიკა“ საჯარო უწყებებისთვის რბილი ავეჯის შესყიდვაზე თანხების დაზოგვასაც გულისხმობდა.