"ჩავატაროთ თავისუფალი რეფერენდუმი, გონივრულია ახლა ნატოში შესვლა?"

"ჩავატაროთ თავისუფალი რეფერენდუმი, გონივრულია ახლა ნატოში შესვლა?" - ,,კორკოტას" იდეა

პოლიტიკა - 14:00, 18 Mar, 2015

3194

საზოგადოებრივი გაერთიანება “ქართული მისიის” წევრი გია კორკოტაშვილი საქართველოს მოსახლეობის არჩევანს ნატოსთან დაკავშირებით ეჭვქვეშ აყენებს და თავისუფალი რეფერენდუმის ჩატარების ინიციატივით გამოდის, ამის შესახებ განცხადება მან „საქართველო და მსოფლიოსთან“ ინტერვიუში გააკეთა:

„სულაც არ მაინტერესებს ვიღაც მეშჩანების ან ძალიან “პრადვინუტების” აზრი და ძახილი, _ ვაიმე, რუსეთუმე და პრორუსიაო. რუსეთუმე კი არა, საქართველოს რაც აძლევს ხელს, როგორც უფრო კარგად იქნება, ისე უნდა მოიქცეს და იქით უნდა წავიდეს. ადამიანს, რომელსაც საქართველო უყვარს და მიაჩნია, რომ მხოლოდ ამერიკაზე უნდა დაიდოს ფსონი, მწარედ ცდება.

მოდი, ჩავატაროთ თავისუფალი რეფერენდუმი, ხაზს ვუსვამ _ თავისუფალი, წნეხის გარეშე, და ვკითხოთ ხალხს _ საით უნდა და საით არ უნდა. არ გაინტერესებთ, ნატო საერთოდ უნდათ თუ არა? ან გონივრულია თუ არა ახლა ნატოში შესვლა, მაშინ, როდესაც ნატოსკენ ნაბიჯის გადადგმა და აქ რუსის ტანკის შემოგრუხუნება, ერთი იქნება, თანაც არ გვიღებს ეს ნატო კარს და ძალით ვეტენებით?! ხან მაპიო, ხან მაპზე უკეთესიო... კარგი რა, მართლა, თქვე კაი დედმამიშვილებო, უკაკუნეთ კარზე და იყავით, რით ვერ დაიღალეთ...“- აცხადებს კორკოტაშვილი.