თბილისის ქონების მართვის სააგენტოს ხელმძღვანელმა გიორგი გაგოშიძემ თანამდებობა დატოვა.

ამის შესახებ საკრებულოს ფრაქცია „ნაციონალური მოძრაობის“ თავმჯდომარემ სევდია უგრეხელიძემ განაცხადა.

როგორც ცნობილია, ის საქმიანობას მეწარმეობის განვითარების ცენტრში გააგრძელებს რომელსაც ყოფილი ვიცე-მერი ალექსანდრე მარგიშვილი ხელმძღვანელობს.

„მოწმე გავხდით კიდევ ერთი სამსახურის უფროსის "ხავერდოვანი წესით" გადაყენების, რომელმაც საკუთარი განცხადების საფუძველზე დატოვა თანამდებობა. ეს არის ქონების მართვის სააგენტოს უფროსი გიორგი გაგოშიძე", - აღნიშნა სევდია უგრეხელიძემ.