თბილისის მერმა დავით ნარმანიამ დედაქალაქის მთავრობის ახალ წევრებს წარმატება უსურვა და აქტიური მუშაობისკენ მოუწოდა.

ამის შესახებ ნარმანიამ თბილისის მთავრობის სხდომაზე განაცხადა.

მისი თქმით, თბილისის მთავრობა ახალი შემადგენლობით დღეიდან იმუშავებს.

„ჩვენს ახალ წევრებს წარმატებებს ვუსურვებ აქტიური მუშაობისთვის, რათა უკეთესი შედეგი გვქონდეს. აქამდე ჩვენ მუშაობა ორ ფრონტზე გვიწევდა. ახლა არის ეტაპი, როცა პრობლემების უდიდესი ნაწილი დაძლეულია და უფრო განვითარებისაკენ სვლის ეტაპი დადგა. ამიტომ, ერთობლივი ძალისხმევით, ტემპში უნდა ვიმუშაოთ და დავდოთ ის შედეგი, რასაც საზოგადოება ჩვენგან ელოდება", - აღნიშნა დავით ნარმანიამ.

შეგახსენებთ, მერიის ახალი წევრები საკრებულომ გუშინ დაამტკიცა.