პარტია „საქართველოს გზის“ საპატიო თავმჯდომარე სალომე ზურაბიშვილი ვერ ხედავს მიზეზს, თუ რატომ უნდა მოიხადოს ხელისუფლებამ ბოდიში ბავშვებისთვის ე.წ. „ციხის კადრების“ ჩვენების გამო.

ამის შესახებ ზურაბიშვილი სოციალურ ქსელში წერს.

„ფარისევლობა დაგვყუპავს! ბოლო ბოლო არ ვიცი ვის რა კადრები აჩვენეს მაგრამ რომც ეჩვენებიათ “ის” ციხის კადრები ამაში ტრაგიკულს და ბოდიშს მოსახდელ მიზეზს ხელისუფლების მხრიდან ვერ ვხედავ.... გაგახსენებთ რომ ევროპის სკოლებიდან ჩაყავთ ბავშვები აუშვიცის, ბუხენვალდის, რავენსბრუკის და სხვა საკონცენტრაციო ბანაკებში და არა მხოლოდ ათვალიერებენ მათ, არამედ ფოტო მასალას და ფილმებს ეცნობიან სწორედ იმისთვის რომ მეხსიერებაში ჩაიბეჭდოს ... იგივე ხდება როცა ტურისტად ჩადიხარ იზრაელში და დიდი პატარა აუცილებლად უნდა მიგიყვანონ " იად ვაშემის” მემორიალტან და იქ მოთავსებულ უმძიმეს გამოფენას გათვალიერებენ!.. ან კიდევ სომხეთში ჩასული როცა გენოციდის მუზეუმს ეწვევა ადამიანი თუ ახალგაზრდა , რა მნიშვნელობა აქვს .. ეს არის დრევანდელი მსოფლიო სადაც არც ბავშვებს არ უფრთხილდებიან თუ კი გვესმის რა ხდება სირიაში .. . ამიტომ ყველა უცხოეთის ტელევიზიები ხშირად იმეორებენ იმ ძალიან მძიმე კადრებს ამ ტრაგედიების ამსახველს სწორედ იმისათვის რომ ახალგაზრდებს არ დაავიწყდეთ ბარბაროსობა და მასთან ბრძოლის აუცილებლობა... ჩვენ რა ნაზები და რა მორალისტები გავხდით უცებ, რომ გვირჩევნია ემოცია არ გამოიწვიოს ბავშვში, ავაცილოთ მას ეს განცდები, და ავარიდოტ საერთოდ ჩვენ ქვეყნის რეალობას... როცა სულ ორიოდე წლისწინ თვითონ შეიძლებოდა კადრების მაყურებელი კი არა სხვერპლიც გამხდარიყო ან თვითონ ან მამა თუ ძმა....“, - წერს ზურაბიშვილი.

შეგახსენებთ, ტელეკომპანია "ოდიშის" ინფორმაციით, არასამთავრობო ორგანიზაციის "ყველა თაობა საქართველოსთვის" ხელმძღვანელის, გია სალუქვაძის ორგანიზებით ზუგდიდში, ფოთსა და ხობში დოკუმენტური ფილმის "სააკაშვილის სისხლიანი ქრონიკის" ჩვენება გაიმართა.