,,პერსტროიკის" პერიოდში სოხუმში კრიშნაიდები გამოჩნდნენ. ხანდახან ისინი მშვიდობის პროსპექტზე ატარებდნენ თავიანთ ხმაურიან მსვლეობებს და მათ არავინ ერჩოდა. ადგილობრივები იყვნენ. ერთ-ერთი მათგანი ჩვენთანაც დადიოდა ხოლმე რუსთაველის საზოგადოებაში. მას მანამდეც ვიცნობდი და ბუნებრივია მის ახალ რელიგიურ გატაცებას ჩვენს ურთიერთობებზე არაფრით უმოქმედია. სხვადასხვა თემაზე ვსაუბრობდით და საკმაოდ საღად მსჯელობდა საზოგადოებრივ საკითხებზე. მშვიდი და უწყინარი კაცი იყო
ერთხელ უჩვეულოდ აღელვებული და გაგულისებული შემოვიდა ჩვენთან. ერთ-ერთ ქართველ ჩინოვნიკს რაღაც მისთვის მნიშვნელოვანი ცნობა არ მიუცია და ამაზე ბრაზობდა. ბოლოს გულიანადაც გამოლანძღა:წინა ცხოვრებაში ნამდვილად ღორი იქნებოდაო. სიცილით გადავფიჩინდით.
ნეტავ ვინ იქნებოდნენ წინა ცხოვრებაში თოფაძე და ტყემალაძე?“ - წერს მალხაზ პატარაია.
მასალის გამოყენების პირობები






