„ნაციონალური მოძრაობის“ წევრი გივი თარგამაძე სპეცრაზმელებთან დაკავშირებით პრემიერის განცხადებას სოციალურ ქსელში ეხმაურება.

„ნახეთ, ეს უსინდისო თავხედი როგორ აყრის საზოგადოებას ნაცარს თვალებში! სპეცრაზმელებს ეპირფერება, ზურგსუკან კი მზაკვრულად ებრძვის. შსს მინისტრ გომელაურის მთელი ცხოვრება სპეცრაზმში სამსახურს უკავშირდება და გამინისტრების პირველსავე დღეს გაათავისუფლა ექვსი სპეცრაზმელი, რომლებიც იმავე დღეს დააკავეს, პატიმრობაში გლდანის ციხეშიც კი ამყოფეს, რაც სრულებით დაუშვებელია და დღესაც ტყვეობაში ჰყავთ. ამის შემდეგ, როგორ უყურებს თანამებრძოლებს თვალებში, ან ვისი მინისტრია? ან ეს შსს ნამინისტრალი, დღეს ასეთ საუბარს როგორ ბედავს? ეჰ, შვილო, ჰაკიმ: დაიმახსოვრე, თითოეულმა სპეცრაზმელმა იცის, რომ შენც და გომელაურიც იმ მაჯლაჯუნას მონები ხართ, რომელიც მათი პირადი მტერია და ეგ თვალთმაქცობა მათი, მათი ოჯახების, ახლობლების და პატრიოტების თვალში ვერ გაგათეთრებთ“, - წერს თარგამაძე.

პრემიერ-მინისტრის თქმი, უსამართლობაა, დასაჯო სპეცრაზმელი იმისთვის, რომ მან რაღაც დავალება შეასრულა.

„თუ თქვენი ხელმძღვანელი გაძლევთ უკანონო დავალებას, სწორედ ის უნდა იყოს პასუხისმგებელი,"- განაცხადა ღარიბაშვილმა.