,,სამართალდამცავთა დაცვის ლიგაში“ სპეცრაზმელებთან დაკავშირებით პრემიერ-მინისტრის დღევანდელ განცხადებას ეხმაურებიან.

როგორც მათ მიერ გავრცელებულ განცხადებაშია ნათქვამი, ირაკლი ღარიბაშვილი ამ განცხადებით ერევა გამოძიების პროცესში წინასწარ აანონსებს პირთა ბრალეულობას.

„უკვე მეორე თვეა, რაც სასჯელაღსრულების დაწესებულებაში რვა სპეცრაზმელი უკანონოდ იმყოფება, რომლებსაც დამამძიმებელ გარემოებაში განზრახ მკვლელობას ედავებიან, თითქოს მათ წინასწარ დაგეგმეს და განახორცელეს პირთა განზრახ მკვლელობა, რაც სისხლის სამართლის საქმის შესწავლით არ დგინდება და მათი ბრალეულობა მტკიცებულებებით გამყარებული არ არის. სპეცრაზმელების და პოლიციის სხვა ოფიცრების უკანონო დაპატიმრებები მიზნად ისახავდა, მძიმე დანაშაულის გაუხსსნელობით, საზოგადოებაში შექმნილი უარყოფითი მუხტის გადაფარვას. დაპატიმრებულ სპეცრაზმელებზე სასჯელაღსრულებას დაწესებულებებში ხორციელდება ფსიქოლოგიური ზეწოლა, რაც გამოიხატა მათი ერთი დაწესებულებიდან მეორეში დაუსრულებელ გადაყვანა-გადმოყვანაში.

ინფორმაცია პოლიციელთა უდანაშაულობის პრეზუმფციისა და აღკვეთ ღონისძიების გამოყენების თაობაზე ჩვენს მიერ მიწოდებულია ევროპარლამენტის ადამიანის უფლებათა დაცვის კომიტეტისადმი და ვიმედოვნებთ, რომ ასახვას პოვებს ევროპარლამენტის ანგარიშშიც.

დღეს, ვხედავთ სრულად უპრეცედენტო შემთხვევას, როდესაც საქართველოს პრემიერ-მინისტრი ღიად აცხადებს და ერევა არა თუ გამოძიების პროცესში, არამედ წინასწარ აანონსებს პირთა ბრალეულობასა და მათი ბრალეულობის არსს. სასამართლოს გადაწყეტილების მიღებამდე ცხადდება და იკვეთება პრემიერ-მინისტრს მხრიდან „უკანონო ბრძანების“ გამცემთა და შემსრულებელთა „ბრალეულობა“. დღეს, ე.წ. „კორტების სპეცოპერაციის“ თემაზე პატიმრობაშია 8 სპეცრაზმელი და სამი კრიმინალური პოლიციის თანამშრომელი, რომლებიც ბუნებრევია ყველა უდანაშაულოა და ვითხოვთ, უკანონო პატიმრობაში მყოფ პოლიციელთა გათავისუფლებას და არა პრემიერ-მინისტრის მხრიდან, ამა თუ იმ პოლიციელის ბრალეულობის წინასწარ განსაზღვრას, გამოძიების პროცესში უხეში ჩარევის გზით.

გამომდინარე აქედან, მიგვაჩნია, რომ გამოძიება მიმდინარეობს ტენდეციურად და პოლიტიკურ მოტივებზეა აგებული. ბატონ პრემიერ-მინისტრს და მთელ საზოგადაოებას შევახსენებთ, პოლიციელთა უკანონო დაპატიმრებები, მკვეთრად უარყოფითად აისახება შსს პირადი შემადგენლობის განწყობაზე. ღირსებააყრილი, და ძალადობის შედეგად სახელმწფოს მიერ „დამარცხებული“ პოლიციელები კი, საქართველოს მოქალაქეების უსაფრთხოებას ვერ დაიცავენ“, - ნათქვამია განცხადებაში.

პრემიერ-მინისტრის თქმი, უსამართლობაა, დასაჯო სპეცრაზმელი იმისთვის, რომ მან რაღაც დავალება შეასრულა.

„თუ თქვენი ხელმძღვანელი გაძლევთ უკანონო დავალებას, სწორედ ის უნდა იყოს პასუხისმგებელი,"- განაცხადა ღარიბაშვილმა.