პარლამენტის თავმჯდომარის თქმით, საკანონმდებლო ორგანო უზენაესი სასამართლოს თავმჯდომარის არჩევის საკითხზე გადაწყვეტილებას მიმდინარე კვირას მიიღებს.

დავით უსუფაშვილი ვარაუდობს, რომ ნინო გვენეტაძის არჩევის საკითხი პლენარულ სესიაზე 20 მარტს გავა.

„ეს არ არის ერთპიროვნული გადაწყვეტილება, გადაწყვეტილება კოლეგიალურია. პროცესი იყო ღია და ხანგრძლივი. შესაძლოა, ზედმეტად ხანგრძლივიც კი. ვისაც სურდა ინფორმაცია მიეღო და საკუთარი პოზიცია ჩამოეყალიბებინა, ამის შესაძლებლობა ჰქონდა. ასე რომ, ყველაფერი კენჭისყრით გაირკვევა. დარწმუნებული ვარ, საქართველოს უზენაეს სასამართლოს ღირსეული ხელმძღვანელი ეყოლება“, - განაცხადა უსუფაშვილმა.