შინაგან საქმეთა მინისტრი ვახტაგ გომელაური ზუგდიდში მომხდარ ინციდენტს ეხმაურება და მხარეებს მოუწოდებს, პროვოკაციებისგან თავი შეიკაონ.

ამის შესახებ გომელაურმა ჟურნალისტებთან საუბრისას განაცხადა.

„ძალიან ცუდი შემთხვევა მოხდა რა თქმა უნდა, ეს არ არის მოსაწონი. ორივე მხარეს მოვუწოდებ თავი შეიკავონ პროვოკაციებისგან, ერთმანეთს თუნცად რაც არ უნდა პროვოკაცია იყოს, რა თქმა უნდა არ არის სწორი იქ მივარდნა, კარებების დამტვრევა,შეურაცხყოფა“, - განაცხადა გომელაურმა.

შს მინისტრის თქმით, მისთვის ასევე მიუღებელია არასრულწლოვნებისთვის შემზარავი კადრების შემცველი ფილმის ჩვენება.

„რაც შეეხება ფილმის ჩვენებას, რა თქმა უნდა ჩემთვის მიუღებელია, ვერანაირად ვერ მივიღებ მე და ვგომბ რა თქმა უნდა ამ ყველაფერს. არასრულწლოვანი ბავშვი არ უნდა მოხვდეს ესეთი დოკუმენტური ფილმების ჩვენებაზე და უნდა გაეკონტროლებინათ ესე, ვფიქრობ იმ ორგანიზატორებს, რომ ბავშვი არ მოხვედრილიყო, არასრულწლოვანი დარბაზში. გამოძიება მიდის, შეიძლებოდა თუ არ შეიძლებოდა იქ საჯარო მოხელეები. თუ არ იყვნენ, ვთქვათ, პირობითად, შეიძლება სულ არ იყვნენ მონაწილეები და სადმე თუ პირდაპირ ჩხუბში იყვნენ ჩართული, ამას გამოძიება დაადგენს“, - განაცხადა გომელაურმა.