„საერთაშორისო გამჭირვალობა - საქართველოს“ თავმჯდომარე ეკა გიგაური საარჩევნო სისტემის შეცვლის მომხრეა და ამბობს, რომ დღევანდელი სისტემა უსამართლოა.

მისი თქმით, სისტემის მოწესრიგება აუცილებლად უნდა დაიწყოს.

"დღევანდელი საარჩევნო სისტემის მთავარი ხარვეზი არის ის, რომ ის არის უსამართლო და არაპროპორციული. ეს ძალიან დიდი პრობლემაა და ამაზე ჩვენ წლებია ვსაუბრობთ, ამაზე საუბრობდა ქართული ოცნებაც, როდესაც ის იყო ოპოზიციაში. ახლა არის დრო, როდესაც ეს სისტემა უნდა შეიცვალოს და ეს გადაწყვეტილება მიიღოს "ქართულმა ოცნებამ", - განაცხადა ეკა გიგაურმა.

„საერთაშორისო გამჭირვალობის“ თავმჯდომარე პარლამენტის თავმჯდომარის და ინტერპარტიული ჯგუფის შეხვედრას დაესწრო. შეხვედრაზე დავით უსუფაშვილი საკუთარი ხელმოწერით ე.წ. სამოქალაქო თანხმობის დოკუმენტს შეუერთდა, რომელიც საარჩევნო სისტემის რეფორმირებას ითვალისწინებს.

ნინი კაციტაძე