ანი ნადარეიშვილის მიერ ზუგდიდში მომხდარი არეულობის მონაწილეთა სიის გამოქვეყნებას სამეგრელო-ზემო სვანეთის გუბერნატორის მოადგილე ეხმაურება.

კობა ქანთარიას თქმით, სიაში მოხსენიებულ ერთ-ერთ გვართან დაკავშირებით არასწორი ინფორმაცია ვრცელდება. საუბრია ლაშა გვასალიაზე, რომელიც ჩამონათვალში გუბერნატორის მოადგილედ არის მოხსენიებული, თუმცა ის ამ თანამდებობას არ იკავებს.

ბაჩო ახლაიას მეუღლემ ზუგდიდის ინციდენტში მონაწილე ადამიანების სია გუშინ გამოაქვეყნა. ჩამონთვალში ლაშა გვასალიასთან ერთად მოხსენიებულია ასევე გია მანჯგალაძე, რომელზეც ნადარეიშვილი წერს, რომ არის შს მინისტრის მოადგილის ლევან იზორიას სიმამრი. თუმცა აღნიშნულ ინფორმაციას შინაგან საქმეთა სამინისტრო უარყოფს.