ინფრასტრუქტურისა და რეგიონული განვითარების მინისტრი დავით შავლიაშვილის მისი მოადგილის, ნოდარ ჯავახიშვილის მიერ ბოლო პერიოდში გაკეთებულ განცხადებებს პასუხობს.

შავლიშვილის თქმით, მათ შორის არანაირი დაპირისპირება არ არის და ჯავახიშვილის კომენტარი მედიამ დამახინჯებულად გადმოსცა.

„ტენდერები არ ჩაშლილა, სამინისტროს ძალიან მაღალი ათვისება აქვს, როგორიც არასდროს არ ჰქონია. კვარტლის შესრულება ძალიან მაღალი იყო. რაც შეეხება ჯავახიშვილის განცხადებას, მან აღნიშნა, რომ ეს არ ყოფილა მისი განცხადება და ეს ჟურნალისტების მხრიდან იყო უტრირებული,” - აცხადებს შავლიაშვილი.

შეგახსენებთ, ერთ-ერთ ინტერვიუში ნოდარ ჯავახიშვილმა დავით შავლიაშვილი გააკრიტიკა და ტენდერებთან დაკავშირებულ დარღვევებზეც ისაუბრა. მისი თქმით, შავლიაშვილი წარმატებული მინისტრი არ არის.