ნაციონალები შსს-ს „თავისუფალი ზონის” აქტივისტებზე ზეწოლაში ადანაშაულებენ

პოლიტიკა - 20:36, 16 Mar, 2015

1540

„ერთიანი ნაციონალური მოძრაობა“ შინაგან საქმეთა სამინისტროს „თავისუფალი ზონის” აქტივისტებზე განხორციელებულ ზეწოლაში ადანაშაულებს. გიორგი ვაშაძის თქმით, მათ აქვთ ინფორმაცია, რომ პოლიცია ორგანიზაციის იმ ოთხი წევრის დაკავებას აპირებს, რომლებმაც სამშენებლო ბანერებზე პოლიტიკური შინაარსის წარწერები გააკეთეს. ვაშაძის განცხადებით, აქტივისტებმა გამოხატვის თავისუფლებით კანონი არ დაურღვევიათ:

"ჩვენთვის ცნობილი გახდა, რომ შსს აპირებს აბსოლოტურად უკანონოდ ამ ახალგაზრდა გოგონების დაკავებას, და ამისთვის სპეციალური ჯგუფის გამოყოფას. ჩვენ გვინდა აქვე ხაზი გავუსვათ, რომ ეს ყველაფერი ხდება იმ ფონზე, როცა ქალაქში და ზოგადად ქვეყანაში სწორედ მათ მიერ და დღევანდელმა ჩანაწერებმა კიდევ ერთხელ დაადასტურა, სწორედ მათ მიერ შექმნილი რადიკალური ჯგუფები ხალხს უვარდებიან ოფისებში, ცემა-ტყეპა არის ქუჩებში და არანაირ რეაგირებას არ აკეთებს ამაზე კრიმინალური პოლიციის წარმომადგელნები, პირიქით, ისინი თვითონ აქეზებენ და თვითონ მართავენ ამ პროცესებს, ამ ფონზე მათ სურვილი აქვთ, რომ დააკავონ ეს გოგონები, ერთადერთი რამის გამო, მათ ისარგებლეს გამოხატვის თავისუფლების უფლებით." განაცხადა გიორგი ვაშაძემ პარტიის ოფისში გამართულ ბრიფინგზე