,,საგარეო კურსზე ცალკეული დეპუტატის განსხვავებული აზრი დემოკრატიის არსებობას უსვამს ხაზს"

,,საგარეო კურსზე ცალკეული დეპუტატის განსხვავებული აზრი დემოკრატიის არსებობას უსვამს ხაზს" - სესიაშვილი

პოლიტიკა - 16:55, 16 Mar, 2015

718

თავდაცვისა და უშიშროების კომიტეტის თავმჯდომარემ ირაკლი სესიაშვილმა საქართვლოს და ნატოს ურთიერთობასთან დაკავშირებით კომენტარი გააკეთა და განაცხადა, რომ საქართველო არა მხოლოდ მიილტვის ნატოსკენ, არამედ ამ მიმართულების ქვეყანა დიდ ნაბიჯებს დაგამს. სესიაშვილის თქმით, ცალკეულ დეპუტატებს ქვეყნის კურსთან დაკავშირებით შესაძლოა ნამდვილად ჰქონდეთ განსხვავეული ხედვა და ეს მათი უფლებაა.

"ყველამ კარგად იცის, განსაკუთრებით ჩვენმა მოსახლეობამ და ჩვენმა პარტნიორებმა რომ საქართველო არათუ მიილტვის ნატოსკენ, არამედ ამ მიმართულებით სერიოზულ ნაბიჯებს დგამს, დღეს ჩვენ კიდევ ერთხელ მოვისმინეთ, რომ ნატო-საქართველოს საწვრთნელი ცენტრის იმპლიმენტაციის პროცესი ადეკვატური ტემპით მიმდინარეობს. ცალკეულ დეპუტატებს, ცალკეულ ადამიანებს, ჩვენს მოქალაქეებს შესაძლოა განსხვავებული აზრი ქონდეთ, ეს მათი უფლებაა, მეტიც ეს ჩვენს ქვეყანაში დემოკრატიის არსებობას უსვამს ხაზს. თუმცა, მთავარია ქვეყნის ხელისუფლების სახელმწიფოს პოლიტიკა რა არის და აქ დამატებითი კითხვები არ არსებობს", -განაცხადა ირაკლი სესიაშვილმა.

ირაკლი სესიაშვილმა კომენტარი ნატოს სასწავლო ცენტრთან დაკავშირებითაც გააკეთა და იმედი გამოთქვა რომ იგი წლის ბოლომდე დასრულდება.

"ბრიუსელში მქონდა შეხვედრა იმ დეპარტამენტის ხელმძღვანელთან, რომელიც უშუალოდ კურირებს ამ პროცესს. მან თავის მხრივ დაადასტურა, რომ საქართველოს მხარე აბსოლუტურად ყველა ვალდებულებას ასრულებს დროულად და პირნათლად. საქართველოს საელჩომ ბრიუსელში დამიდასტურა, რომ პროცესი არის ყველაზე ინტენსიური ნატო-სთან ურთიერთობის თვალსაზრისით, რომელიც კი ოდესმე ყოფილა. შესაბამისად, არ არსებობს კითხვის ნიშნები, ხომ არ ხდება არასწორი მოქმედებით რაიმე ამ პროცესის შეფერხება. დაგეგმარებას დიდი მნიშვნელობა აქვს და მე მგონია, რომ ყველაფერი წლის ბოლომდე მოესწრება", - განაცხადა ირაკლი სესიაშვილმა.

შეგახსენებთ, რომ უმრავლესობის წევრმა გოგი თოფაძემ საქართველოს საგარეო კურსთან დაკავშირებით ისაუბრა და განაცხადა, რომ საქართველოს პრიორიტეტი რუსეთთან ურთიერთობა უნდა იყოს.