პრეზიდენტის პარლამენტში გამოსვლის თარიღი კიდევ ერთხელ შეიცვალა. გიორგი მარგველაშვილის პარლამენტში ვიზიტი სავარაუდოდ 31 მარტს შედგება. ამის შესახებ პარლამენტის თავმჯდომარემ დავით უსუფაშვილმა ბიუროს დღევანდელ სხდომაზე განაცხადა.

„ეს საკითხი ორ სახელმწიფო ინსტიტუტს შორის წყდება და სხვა დეტალები დაზუსტდება მოგავიანებით, როცა ამ საკითხს მივუხლოვდებით. პრეზიდენტთან საინტერესო საუბარი გამოვიდა და შევთანხმდით, რომ ვეცდებით, მომავალი პრეზიდენტი და პარლამენტის თავმჯდომარე ქალები იქნებიან“, - დასძინა მან.

თავდაპირველი ინფორმაციით მარგველაშვილი წლიური მოხსენებით უმაღლეს საკანონმდებლო ორგანოში, 18 მარტს უნდა მისულიყო. დღეს ვრცელდებოდა ინფორმაცია, რომ გიორგი მარგველაშვილს პარლამენტში 20 მარტს მოუსმენდნენ. ბიუროს სხდომის შემდეგ კი ეს თარიღი 31 მარტით შეიცვალა.