პრეზიდენტმა ნატოს და ევროკავშირს მკვეთრი მესიჯები უნდა გაუგზავნოს

პრეზიდენტმა ნატოს და ევროკავშირს მკვეთრი მესიჯები უნდა გაუგზავნოს - ლაგაზიძე

პოლიტიკა - 15:08, 16 Mar, 2015

1160

ექსპერტმა ხათუნა ლაგაზიძემ განაცხადა, რომ პრეზიდენტის პარლამენტში გამოსვლა ძალიან მკვეთრი უნდა იყოს. ლაგაზიძის თქმით, გიორგი მარგველაშვილმა ნატოს და ევროკავშირს მკვეთრი ინიციატივები უნდა გაუგზავნოს, რადგან დღეს საქართველოს დღის წესრიგში გადარჩენის საკითხი უდგას.

"დღეს განსაკუთრებით პრიორიტეტულია ქვეყნის უსაფრთხოება, ამიტომ საჭიროა საქართველომ გამოიჩინოს განსაკუთრებული აქტიურობა დასავლეთ პარტნიორებთან ურთიერთობაში. საქართველოს ხელისუფლებაზეა დამოკიდებული, როგორი იქნება აქტიურობა აშშ-ისა და ევროპელი პარტნიორების მიმართ.

დღეს საქართველოს დღის წესრიგში დგას გადარჩენის საკითხი. ჩვენ უნდა შევინარჩუნოთ დამოუკიდებლობა და დე იურე ტერიტორიული მთლიანობა. დღეს ხელების ჩამოყრა და იმედგაცრუება იქნება დიდი დანაშაული მომავლის წინაშე. მიუხედავად იმისა, რა განცხადებებს ვისმენთ ჩვენ ზოგჯერ ევროპული ლიდერებისაგან. პრეზიდენტის პოზიცია უნდა იყოს ძალიან მკვეთრი, ეს არ უნდა იყოს გამოსვლა გამოსვლისთვის, პრეზიდენტმა უნდა აიღოს თავის თავზე იმ პრიორიტეტებისა და შეთავაზებების წარდგენა დასავლელი პარტნიორებისთვის, რომლითაც საქართველო ერთი მხრივ გახდება კიდევ უფრო საინტერესო დასავლეთისთვის", - განაცხადა ხათუნა ლაგაზიძემ.

შეგახსენებთ, რომ საქართველოს პრეზიდენტი პარლამენტში სიტყვით ყოველწლიური მოხსენების ფარგლებში 20 მარტს გამოვა.