უმრავლესობის წევრი მანანა კობახიძე განსაკუთრებულს ვერაფერს ხედავს იმაში, თუ პრეზიდენტის ყოველწლიურ გამოსვლას მთავრობა არ დაესწრება.

ამის შესახებ კობახიძემ ჟურნალისტებთან საუბრისას განაცხადა.

მისი თქმთ, რეგლამენტი არ ითვალისწინებს, რომ მთავრობა ესწრებოდეს პრეზიდენტის გამოსვლას.

„ახალი კონსტიტუციიდან გამომდინარე განსაკუთრებული არაფერია, თუ მთავრობა პრეზიდენტის მოსასმენად საკანონმდებლო ორგანოში არ მივა. ეს არ უნდა იყოს აღქმული რაღაც ტიპის დემარშად", - განაცხადა კობახიძემ.

რაც შეეხება დებატებს, მანანაკობახიძე ამის აუცილებლობას ვერ ხედავს.

"პარლამენტს და მით უმეტეს უმრავლესობას პრეზიდენტთან სადებატო არაფერი აქვს“, - აცხადებს კობახიძე.

ცნობილია, რომ პრეზიდენტი ყოველწლიური მოხსენებით პარლამენტში 20 მარტს გამოვა.

ნინი კაციტაძე