რადიოაქტიური ნივთიერება თუ იარაღი - "ასავალ-დასავალმა" კასპში საიდუმლო სამარხი აღმოაჩინა

პოლიტიკა - 12:01, 16 Mar, 2015

1125

გაზეთი „ასავალ-დასავალი“ შინაგან საქმეთა სამინისტროს მიმართავს და აცხადებს, რომ კასპის რაიონის სოფელ ჭყოპიანის მოსახლეობამ, მათ ამ სოფლის ტერიტორიაზე არსებული საიდუმლო სამარხის არსებობის შესახებ შეატყობინა.

გამოცემას, სოფლის მკვიდრის ნაამბობზეც წერს, რომლის თქმით 2012წლის ზაფხულში, დილის 6 საათზე სოფლის მცხოვრებთა ყურადღება რამდენიმე ორხიდიანმა მანქანამ მიიპყრო, რომელთაც „კოვშიანი“ ტრაქტორიც მოჰყვებოდა. მანქანების ძარაზე რაღაც კასრების მაგვარი ეწყო, რომელსაც პოლიციელები თუ სამხედროები მიაცილებდნენ. რამდენიმე საათში მანქანებმა უკან ჩამოიარეს, ძარებზე უკვე არაფერი იდო. როდესაც მანქანები სოფლის ტერიტორიას მოცილდნენ, სოფლის რამდენიმე მაცხოვრებელი იმ მიმართულებით წავიდნენ სადაც მანქანები მიდიოდნენ. რამდენიმე კილომეტრში სადაც ადრე სოფელი დევენამუხლი იყო გათხრების კვალი აღმოაჩინეს. მისი თქმიტ მაშინ მათ იფიქრეს, რომ აქ რადიოაქტიური ნარჩენების საიდუმლოდ დამარხვა მოხდა.

„ასავალ-დასავალის“ თქმით, მოსახლეობაში აზრი ორად არის გაყოფილი, ნაწილი ფიქრობს, რომ აქ რადიოაქტიური ნარჩენების დამარხვა მოხდა, ნაწილის აზრით კი აქ იარაღის საიდუმლო სამარხი გაკეთდა.

„ასავალ-დასავალის“ ინფორმაციით ისინი კასპის რაიონის ყოფილ გამგებელს ოლეგ იაძესაც დაუკავშირდნენ, რომელმაც დაადასტურა, რომ საიდულო სამარხის შესახებ მასაც ქონდა ინფორმაცია.

„დიახ, მეც მსმენია, რომ ჭყოპიანთან შესაძლოა, იარაღის საიდუმლო სამარხი იყოს. იმ პერიოდში ცალკე უშიშროება, ცალკე რესპუბლიკელები მიტევდნენ და საკითხის ღრმად შესწავლა ვერ მოვასწარი. დარწმუნებული ვარ, უშიშროების სამსახურს ზუსტი ინფორმაცია ექნება“- განაცხადა იაძემ.

წყარო „ასავალ-დასავალი“