პრეზიდენტი გიორგი მარგველაშვილის პარლამენტში ყოველწლიური ანგარიშით 20 მარტს გამოვა. ამის შესახებ პრეზიდეტის მრჩეველმა თენგიზ ფხალაძემ ექსპერტებთან და პოლიტოლოგებთან შეხვედრისას განაცხადა.

მისი თქმით, პრეზიდენტის გამოსვლა უნდა ეხმიანებოდეს ყველა იმ მნიშვნელოვან საკითხებს, რომლებზეც საზოგადოებას ყურადღება აქვს გამახვილებული.

„ვეცადეთ, დღევანდელ შეხვედარზე მაქსიმალურად ფართოდ ყოფილიყო წარმოდგენილი იმ ორგანიზაციების სპექტრი, რომლებიც მუშაობენ საგარეო პოლიტიკის პრობლემატიკაზე და რომელთა კვლევაშიც აღინიშნება აზრთა სხვადასხვაობა. ნამდვილად მნიშვნელოვანია პრეზიდენტისთვის, ვიცოდეთ ყველა ის განწყობა, რომელიც საზოგადოებაშია. ამ საკითხთან დაკავშირებით პირველი შეხვედრა ეკონომიკურ ბლოკთან გაიმართა. დღეს გაიმართება შეხვედრა უშიშროების საბჭოშიც. რაც შეეხება დღევანდელ შეხვედრას, დღეს გაგაცნობთ იმ პროირიტეტებს, რაც უნდა იყოს პრეზიდენტის გამოსვლაში. გვინდა, რომ ეს ყველაფერი დისკუსიაში, კამათში მოითელოს და თქვენგან მივიღოთ რეკომედაციები“, - განაცხადა ფხალაძემ.