საქართველოს ყოფილი პრემიერის ბიძინა ივანიშვილის თქმით, საზოგადოებას შეუძლია ჰყავდეს ისეთი ხელისუფლება როგორიც მას სურს.

როგორც ექსპრემიერმა GDS-ის ეთერში, გადაცემა „კვირის 20/30" სტუმრობისას განაცხადა, საზოგადოება ამას იმ შემთხვევაში მოახერხებს თუ აქტიური იქნება.

ივანიშვილის თქმით, მხოლოდ საარჩევნო ყუთში ბიულეტენის ჩაგდება საკმარისი არ არის.

"ზოგიერთ ქვეყანაში მე მგონი, კანონითაც კი სჯიან, ვინც არჩევნებზე არ მიდის, მაგრამ შეგნებითაც უნდა გააცნობიეროს თითოეულმა მოქალაქემ, რომ მას აქვს პასუხისმგებლობა, რომ მონაწილეობა მიიღოს სახელმწიფო აღმშენებლობაში. ამისათვის აუცილებელია, კარგად ერკვეოდე პოლიტიკურ პროცესებში. აუცილებელია, არჩევნების ყუთთან მისულმა იცოდე, ვის აძლევ ხმას, თუ გინდა, ახალი უბედურება არ მიიღო, მსგავსი იმისა, რაც გვქონდა უახლოეს წარსულში და ეს სამსახური, რაც გაგვიწია "ნაციონალურმა მოძრაობამ" ძალიან კარგია იმისთვის, რომ საზოგადოებამ დააჩქაროს შემეცნების გაზრდის პროცესი", - განაცხადა ბიძინა ივანიშვილმა.