„ნაციონალური მოძრაობის“ საგარეო ურთიერთობათა მდივანი გიგა ბოკერია, დედაქალაქის ყოფილი მერის გიგი უგულავას პატიმრობაში დატოვებას პოლიტიკური რეპრესიად მიიჩნევს და აცხადებს, რომ ამ ნაბიჯით ხელისუფლებას თავისი კრახის გადაფარვა სურს.

"ხელისუფლება სამარცხვინო მანიპულაციებით ცდილობს პოლიტიკური პატიმარი გიგი უგულავა დატოვოს ციხეში 9 თვის ამოწურვის შემდეგ, ყოველგვარი მტკიცებულებების გარეშე, ამის მოტივი არის ძალიან მარტივი, პირველი - მათ ეშინიათ უგულავას გამოსვლის განსაკუთრებით 21 მარტის მშვიდობიანი დემოსტრაციის წინ, მეორე - სურთ იმ კრახის, ეკონომიკური კრიზისის და უფსკრულისკენ მოძრაობის გადაფარვა, რა გზაზეც დააყენეს მათ ქვეყანა. ამ ტიპის პოლიტიკური რეპრესიებით, ჩვენ დღეს ქვეყანაში გვყავს პოლიტიკური პატიმრები.“- განაცხადა გიგა ბოკერიამ.

ნინო ზედგენიძე