„ნაციონალური მოძრაობის“ წევრი აკაკი მინაშვილი ამბობს, რომ ზუგდიდში და ბათუმში მომხდარი ინციდენტი პრემიერის დავალებით განხორციელდა.

მისი თქმით, რამდენიმე დღის წინ ირაკლი ღარიბაშვილი ადგილობრივი ხელისუფლების წარმომადგენლებს შეხვდა და დავალება სწორედ აქ მისცა.

„ხელისუფლებას ძალიან ეშინია 21 მარტის. ღარიბაშვილი რამდენიმე დღის წინ შეხვდა ადგილობრივი ხელისუფლების წარმომადგენლებს, თითქოსდა ინფრასტრუქტურული პროექტების შესახებ უნდა ესაუბრათ. ამ ორი დღის განმავლობაში კი გამოჩნდა, რომ ირაკლი ღარიბაშვილმა ადგილობრივი ხელისუფლების წარომადგენლებს ასეთი არეულობების მოწყობა დაავალა. ის, რაც დღეს ზუგდიდის ადგილობრივმა ხელისუფლებამ მოაწყო, არ არის „ნაციონალური მოძრაობის“ წინაააღმდეგ მიმართული, ეს ქართველი ხალხის წინააღმდეგ არის მიმართული. სამეგრელოს მაგალითზე გეტყვით, რომ მოქალაქეებს მთავრობის იმედი არ აქვთ და 21 მარტის აქციაში მონაწილეობას გეგმავენ," - აცხადებს აკაკი მინაშვილი.

“ქართული ოცნების” აქტივისტებმა და მხარდამჭერებმა ზუგდიდში “ნაციონალური მოძრაობის” ოფისთან 21 მარტს დაგეგმილი აქცია გააპროტესტეს, რაც ფიზიკურ დაპირისპირებაში გადაიზარდა. “ნაციონალური მოძრაობის” ოფისის ტეროტორიიდან “ქართული ოცნების” აქტივისტებმა “თავისუფალი ზონის” ოფისთან გადაინაცვლეს, რადგან ჰქონდათ ინფორმაცია, რომ იქ ოპოზიციური პარტიის ერთ-ერთი წევრი, აკაკი მინაშვილი იმყოფებოდა. ადგილზე ფიზიკური დაპირისპირება მოხდა, რა დროსაც აქციის მონაწილეები დაშავდნენ