თბილისის საკრებულოს ფრაქცია „ნაციონალური მოძრაობა“ ქალაქის მთავრობაში განხორციელებულ საკადრო ცვლილებებს მხარს არ უჭერს.

ამის შესახებ ფრაქციის თავმჯდომარემ ირაკლი აბესაძემ განაცხადა.

„თბილისს ყველა მიმართულებით აქვს პრობლემა, ეს იქნება ინფრასტრუქტურა, ტრანსპორტი, სოციალური შეღავათები თუ სხვა. ასე, რომ ყველა მიმართულებით ჩვენ გვექნება შეკითხვები და დაველოდებით მათგან პასუხებს. ჩვენ საკადრო გადაწყვეტილებებში დავით ნარმანიას მხარს არ უჭერთ, რადგან "ქართულმა ოცნებამ" დაადასტურა, რომ მათი საკადრო გადაწყვეტილებების უმრავლესობა შეცდომაა“, - განაცხადა აბესაძემ.

შეგახსენებთ, თბილისის მერის მიერ წარდგენილ კანდიდატებს დღეს საკრებულოს კომისიების გაერთიანებულ სხდომაზე მოუსმენენ.