თუკი მოსახლეობა ვერ გაიგებს და ვერ შეაფასებს სწორად რეალურ შესაძლებლობებს და იმაზე მეტს მოითხოვს მისივე არჩეული მთავრობისგან, შეიძლება ქვეყანა ახალი ტიპის უბედურების წინაშე აღმოჩნდეს, - ამის შესახებ ყოფილმა პრემიერმა ბიძინა ივანიშვილმა გადაცემა "20 30"-ში საუბრისას განაცხადა. ბიძინა ივანიშვილი მიიჩნევს, რომ მთავრობის მიმართ საზოგადოების გადაჭარბებულ მოლოდინებს შესაძლოა, საფრთხეები მოჰყვეს. „მოსახლეობა, თუ ვერ გაიგებს და ვერ შეფასაებს სწორად ჩვენს რეალურ შესაძლებლობებს და იმაზე მეტს მოითხოვს მისგანვე არჩეული მთავრობისგან, შეიძლება ჩვენ ახალი ტიპის უბედურება მივიღოთ. მხედველობაში მაქვს ის, რომ ბოლო 22 წლის განმმავლობაში ჩვენ საუბედუროდ სხვაგან ვერ მოვასწარით, თუ ვერ მოვახერხეთ გვესწავლა, როგორ უნდა გვემართა საკუთარი ქვეყანა. გამოცდილება არ გვქონდა და ყველა ტიპის უბედურება, რაც კი შეიძლება არსებობდეს თეორიულად ყველაფერი გადავიტანეთ საკუთარ თავზე“, - განაცხადა ივანიშვილმა.